शहीद वीरनारायण
नर्मदा दीवान "नैना" सुकुलबाय (सिरपुर) महासमुंद छ.ग.
Dr. Hemant Sirmour
0
93
मोर छत्तीसगढ़ के वीर सिपाही वीरनारायण बेटा।
बनके मसीहा जतन करेस फेर परगे फांसी के सपेटा।
गुलामी ल छोड़ाय खातिर,देश बर होगेस बेटा कुरबान।
जिंयत मरत ले राखे हस धरती दाई के मान, सम्मान।
गरीब मन बर लड़े लडा़ई,अंगरेज ल दिये तंय फटकार।
जम्मों गरीब तोला मानय भगवान माथ नवावय बार बार।
लेके अवतार सोनाखान मे इहा के माटी ल करे महान।
बिंझवार जाति म जनम धरे तंय फेर होइस नवा बिहान।
धन धन हे ओ दाई ददा हर जेन तोला देइस जनम।
दुनिया म होगे तोर नांव अमर तंय करे अइसन करम।
